எல்லாம் சாமிதான்

பள்ளியில் முதல் மாணவன் நான்,
எல்லாம் கற்பகவிநாயகர் அருள்
- அம்மா அத்தையிடம்

கடவுள் சன்னிதானம் பணம் போயிடாது
ரூபாய் தாளை நான் கொடுக்க
- ஒரு பெரியவர் சக நண்பரி்டம்

கர்த்தருக்கு நன்றி நீ கிடைத்ததுக்கு
- காதலி என்னிடம்

சாமிப்பேரு உனக்கு, அதனாலதான் இவ்வளவு நல்ல குணம்
- பக்கத்து வீட்டு பாட்டி

இராப்பகலாய் நான் முயற்சித்து முடித்த வேலை
அலுவலகக் கோயிலில் சிறப்பு யாகம்

பல நாள் வருத்தமெல்லாம் போனது,
"கடவுள் மாதிரி வந்து எம்புள்ளய காப்பத்திட்ட"
- என் ரத்தம் பெற்று உயிர் பிழைத்தவரின் தாய்

****************
பி.கு: சிரத்தை எடுத்து கவிதை வடிவில் எழுதவேண்டும் என்று முயற்சித்தது. எங்கேனும் வார்த்தைகளை மாற்றிப் போட்டால் நன்றாக இருக்கும் என்று நினைத்தால் சொல்லுங்களேன்.