XP , Firefox Mozilla தமிழ் கொம்பு (கே, கெ) மாற்றங்கள் , நன்றி எ-கலப்பை முகுந்த்

நிறைய பேருக்கு இந்த பிரச்சினை இருந்து இருக்கும். எக்ஸ்.பி யில் நோட்பேடிலோ, வேர்டிலோ தமிழில் டைப் பண்ணினால் "கெ, கே" இவற்றிற்கு வரும் கொம்புகள் இடம் மாறி வரும். இதே நிலைமை தான் ஃபயர்பாக்ஸில் தமிழ் எழுத்துருக்களைப் படிப்பதிலும் ஏற்பட்டு இருக்கும்.

இந்த சந்தேகத்தை எ-கலப்பை முகுந்த் அவர்களிடம் கடந்த வாரம் கோவை பதிவர் பட்டறையில் கேட்ட போது எக்ஸ்.பி நிறுவும் பொழுது "இண்டிக்(indic)" சார்பு கோப்புகளை நிறுவாமல் விட்டு விடுவதுதான் இதற்கு காரணம் என்றார்.

அதை மீண்டும் நிறுவ Start --> Control Panel போனீர்கள் என்றால் ஒரு சன்னல் திறக்கும்.



அதில் Date,Time, Language Regional options யை சொடுக்கவும். சொடுக்கிய பின் கிடைக்கும் கீழ் காணும் பக்கத்தில்



Regional and Language options யை சொடுக்கவும்.

கீழே காட்டப்பட்டுள்ள ஒரு சன்னல் தனியாகத் திறக்கப்படும்.




சிவப்பு நிறத்தில் சுழிக்கப்பட்டுள்ள இடத்தை தேர்வு செய்து "Apply" செய்தால் எக்ஸ்.பி நிறுவும் குறுந்தகட்டை கணினிக் கேட்கும். குறுந்தகட்டை உள்ளீடு செய்துவிட்டு இண்டிக் சார்பு கோப்புகள் நிறுவுதல் முடிந்தவுடன் கணினியை மீண்டும் ஆரம்பித்தால்(Re-Start) நோட்பேடி்லும் எம்.எஸ் வேர்டிலும் தமிழி்லேயே சரியாகத் தட்டச்சு செய்து கொள்ளலாம்.Firefox mozilla உலவியி்லும் தமிழ் எழுத்துருக்கள் ஒழுங்காகத் தெரியும்.

இதை நிறுவுவதன் மூலம் உலவியின் மேற்பகுதியில் [][][] என்று கட்டம் கட்டமாகத் தெரிவதும் நின்று தமிழில் தெரியும்.