உலக சாதனை ஒரு நாள் ஆட்டம்

சில சமயங்களில், வாழ்வில் நாம் தளர்ந்து போய் இருக்கும்போதோ அல்லது ஒரு ஊக்கம் தேவை என்று எண்ணும்போதோ, நம்மை சுற்றி ஏற்படும் ஏதேனும் (நாம் சாராத) ஒரு நிகழ்வு நம்மை நிமிர்ந்து உட்கார வைத்து, தன்னம்பிக்கை மற்றும் முயற்சியின் வலிமையைப் பறைசாற்றும் விதமாக அமையும். அப்படித்தான் நேற்றைய ஆஸ்திரேலியா தென்னாப்பிரிக்கா இடையிலான "உலக சாதனை ஒரு நாள்" ஆட்டம். ஸ்டார் ஹிந்தி நியூஸ் சேனலின் உபயத்தால் (செட் டாப் பாக்ஸ் இல்லாமல்) கடைசி இரு ஓவர்களை நேரடியாகப் பார்க்க முடிந்தது. வார்த்தைகள் இல்லை. ஏற்பட்ட "திரில்லின்" அளவுக்கு. டோனி கிரெய்க் கின் கமென்ட்ரி வேறு... அட்டகாசமான ஆட்டம். மென் ஆப் த மேட்ச் பாண்டிங், கிப்ஸ் என்றால் மேன் ஆப் தெ மொமென்ட் "மகாய நிதினி"... ப்ரெட் லீ யின் பந்தை தட்டி ஒரு ரன் எடுத்து பவுச்சருக்கு வெற்றி ரன்னை அடிக்கும் வாய்ப்பை தந்தவர். நல்ல வேளை வால்ஷ், டொனால்ட் போல அவசரப்படாமல் ஒரு பால் ஆடினாலும் பொறுப்பாக ஆடினார்.

ஒரு வேளை நாம் உலககோப்பை யில் இது போல் "பாசிடிவ்" ஆக ஆடியிருந்தால் இதே மைதானத்தில் வெற்றி பெற்று இருபோமோ. ஜோகன்னஸ்பர்க் இந்தியர்களுக்கு கொடுக்காத வாய்ப்பை சொந்தக் காரர்களுக்கு கொடுத்து விட்டது.

போராட்டமே வெற்றியின் அடிநாதம், முயற்சி, திறமை மற்றும் தன்னம்பிக்கை இம்மூன்றும் இருந்தால் நிச்சயம் எதையும் சாதிக்க முடியும் என்பதை இந்த ஆட்டம் உணர்த்துகிறது,