ஹவா ஹவா , பழைய இந்தி பாப் பாடல்

கானா பிரபாவின் “றேடியஸ்பதி” வலைப்பூவில் சிறப்பு நேயரான துர்காவின் விருப்பங்களில் ஒன்றான மலேசியாவில் பிரபலமான பழைய ஆல்பப் பாடலான “அக்கா மக” பாடலைக்கேட்டுக்கொண்டிருந்தபோது, இந்தியாவிலும் பாகிஸ்தானிலும் கடை 80களில் ஆரம்ப 90களில் சக்கைப்போடுபோட்ட ஹவாஹவா பாடல் சட்டென நினைவுக்கு வந்தது.
ஹசன் ஜஹாங்கீர் என்ற பாகிஸ்தானி பாடகரின் தொகுப்புப்பாடல்களின் ஒன்றான அதை யூடியுப் தளத்தில் தேடியபோது சிக்கியது.



அந்தக்காலக்கட்டங்களில் இந்தப்பாடல் ஒலிக்கப்படாத கல்லூரிவிழாக்களோ , சமுதாய விழாக்களோ இல்லை எனலாம். தேசாப், கயாமத் சே கயாமத் தக் ஆகியப்படப்பாடல்களுடன் இந்தப்பாடலும் தமிழ்நாட்டிலும் சக்கைப்போடு போட்டது.(சேரன் பாண்டியன் படத்தில் செந்தில் இந்தப் பாடலை முணுமுணுத்தபடி ஒரு காட்சியில் வருவார்) இந்தப்பாடலின் மூலவடிவம் ஒரு பெர்சிய பாடல் என்று இணையத்தில் தேடியபோது உறுதிப்படுத்தப்படாத தகவல் ஒன்றும் கிடைத்தது. ஹசன் ஜஹாங்கிர் இந்த தொகுப்புக்குப்பின் பெரிய அளவில் பேசப்பட்ட பாடல்களைத் தராத நிலையில் மக்களின் நினைவில் இருந்து மறைந்தாலும், இந்தப்பாடல் மக்களின் நினைவில் என்றும் இருக்கும்.